Ano ba ang HIV?

Ang HIV ay pangalan ng virus na nagdudulot sa sakit na AIDS. Naisasalin ito sa pamamagitan nang pagpasok ng body liquid na seminal fluid at dugo sa mucuous membrane at sugat ng isang tao galing sa taong may impeksyon na ng AIDS. Marami ang mga nahahawa sa pamamagitan nang paggamit ng contaminated needles at hindi protektadong pagtatalik kagaya ng pagtatalik na walang condom o PrEP [Pre exposure prophylaxis] na HIV preventive medication. Hindi ito nakakahawa sa ordinaryong pamumuhay gaya ng paggamit ng parehong plato kapag kumakain o paggamit ng parehong kubeta ng taong may impeksyon nito.

Ano ba ang AIDS?

AIDS ay pangalan ng sakit na sanhi ng HIV impeksyon. Pagkatapos mahawa sa HIV at hindi magpapagamot pagkaraan ng mga ilang taon, ang immune system ay dahan-dahang bababa at madaling magkaroon ng iba-ibang sakit. Kung may karaniwang immune system ang isang tao, malakas ang resistensya para labanan ang sakit, ngunit kapag maraming sintomas ng infectious disease ang lalabas sa katawan, ito ay tinatawag na AIDS (Acquired Immune Deficiency Syndrome). Sa ganitong sitwasyon, mababa na ang immune system, kung hindi magpapagamot at pababayaan, mataas ang posibilidad na mamatay.

Uso ba ang HIV sa Japan?

Sa Japan, sa loob ng isang taon, halos mga 1,000 katao ang nakakatuklas na HIV-infected sila. May mga ulat na 60 to 70 percent ng impeksyon ay dulot nang pagtatalik ng parehong lalaki. Kahit sa mga dayuhang naninirahan sa Japan, dumarami ang nahahawa sa HIV dahil sa pagtatalik ng parehong lalaki. Maraming mga HIV-infected ang hindi nakakahalatang may sakit na sila, kaya kung hindi magpapa-check up, hindi malalaman na nahawa na nito. Tantiya na mas marami na ang talagang nahawa na.

• OK TOKYO (TAGALOG)

Paano ba mapipigilan ang HIV?

Ang pangunahing paraan para maagapang mahawa ng HIV ay condom at PrEP. Kung hindi gagamit ng condom o PrEP sa anal sex, mapanganib na mahawa ang magkatuwang, tatanggap man o magpapasok. Kahit sa fellatio(oral), may posibilidad na mahawa rin ang bibig. Para sa lubos na kaligtasan, ipinapayo ang paggamit ng condom.

Hindi mahal at madaling maka-avail ng condom, may posibilidad na bumaba rin ang panganib sa ibang sexually transmitted infections (STI) kaya inirerekomenda ito. Sa kabilang banda, ang PrEP ay mabisa sa mga taong hindi pa nahawa ng HIV, sa pagtatalik, maaagapan ang impeksyon sa pamamagitan nang pag-inom ng anti-HIV medication. Kung gagamit ng PrEP, kailangang sumailalim ng HIV test muna at tiyakin na negative ka. O sa mga iba pang STI, liver function at iba pang health related check-ups ay kailangang ipagpatuloy ang pagpapasuri.

Kung meron ng sakit na syphilis, herpes, chlamydia, gonorrhea at iba pang STI ang isang tao, madaling mahawa ng HIV. Kaya kailangan ang regular na pagsusuri ng STI. At kung may sintomas na nararamdaman sa mga STI na ito, magpa check-up sa mga medical institutions.

Kapag nalaman na HIV-infected

Simula dalawa hanggang apat na linggo pagkatapos mahawa ng HIV, may mga mararamdamang sintomas na pareho sa flu. Subalit may mga tao rin na walang lumalabas na sintomas. Kung sa mga sintomas lang, mahirap malaman na nahawa sa HIV o hindi. Para matuklasan ito, kailangan ng blood-test. Kapag may alinlangan na nahawa sa pagtatalik, mahirap lumabas ang tamang diagnose kung nagpacheck-up kaagad pagkatapos ng sex. Sa panahon ng pagkahawa pagkatapos ng 2 o 3 buwan kailangan malaman uli ang resulta. Magpasuri pagkaraan ng 1 buwan sa panahon na nahawa, at pagkatapos ng 2 o 3 buwan magpasuri uli. At kung magtatalik ang dalawang lalaki, ipinapayo ang at least 1 beses sa 1 taon na HIV check-up.

Saan at paano ang HIV -check-up

Sa mga health centers, pwedeng magpatingin ng walang bayad at anonymous sa HIV check-up. Hindi na kailangang sabihin ang pangalan, address at telephone number. Istrikto ang pagprotekta sa privacy ng pasyente. Subalit kakaunti ang mga health centers na pwedeng makiugnay sa dayuhang wika. Kumonsulta sa mga NPO telephone consultation na available ang pagsalin sa iba-ibang wika at pagdispatch ng interpreters. O kaya, may mga ospital at klinika (kailangan magbayad pangsarili) na pwedeng magpacheck-up.

• Mapa ng pagpapayo sa pagsusuri ng HIV at HIV / AIDS

Kapag positibo ang HIV-infection

Kapag siguradong positibo ang resulta ng HIV-infection, papayuhin na pumunta ang pasyente sa ospital o klinika na espesyalista sa gamutan at pag-alaga sa mga HIV-infected patients. Kung HIV-infected ang naninirahang dayuhan dito sa Japan, wala silang batas na pauwiin o palabasin sa ibang bansa. Sa mga institusyong pangmedikal, pwedeng magpacheck-up maging anuman ang citizenship o kung may visa ka o wala. Subalit limitado ang mga institusyong pangmedikal na pwedeng pumayo ng maayos sa dayuhang wika kaya kumonsulta sa health centers o NPO kung saan magpapatingin. Sa ospital o klinika, pagkatapos ng mabusising check-up ng immune system at iba pa, magpapayo sila kung paano gagawin ang gamutan. Maaaring mag-apply na sa National Health Insurance kung may status of residence na lumampas na ng 3 buwan mapa worker o estudyante. Subalit may exemption kaya magtanong sa working place o school tungol dito. Para mabawasan ang burden ng mga HIV patients sa bayaran ng gamutan , may mga sistema na tutulong sa bayarang pangmedikal. Kumonsulta sa mga social workers ng ospital o NPO.

• ［Konsultasyon sa Telepono］
  • Konsultasyon sa Telepono （CHARM）
    06-6354-5901《 Huwebes 16:00 - 20:00 》
  • Yorisoi Hotline (Helpline para sa dayuhan)
    0120-279-338
  • Pagkonslta sa inyong kalusugan sa telepono（AMDA）
    03-6233-9266《 Lunes 10:00-16:00 》
  • Gabay sa Iba't-ibang Wika sa Kanagawa
    045-316-2770《 Lunes hanggang Biyernes 9:00-12:00,13:00-17:15 》

Gamutan sa HIV/AIDS

Wala pang gamot para sa lubusang paggaling ng HIV, pero mayroong nadiskubreng gamot na pwedeng agapan ang pagdagdag ng HIV virus sa loob ng katawan (anti- HIV drug). Sa Japan, regardless of nationality, pwedeng magpagamot. Sa patuloy na pag-inom ng anti-HIV drug, mapapanatili ang mahabang mabuting kalusugan at parehong pamumuhay kagaya noong hindi pa mahawa ng HIV. Kung nagpapagamot na at patuloy ang below detection limit ng virus sa loob ng dugo ng isang HIV pasyente, kahit makipagtalik, hindi na mahahawa(U=U. Undetectable=Untransmittable). Kaya kailangang malaman kaagad kung may HIV infection at pumunta ng regular sa ospital. Kapag nasimulan na ang gamutan, kailangan ang patuloy na pag-inom ng gamot. Kung sakaling AIDS na ito, may pag-asang umayos ang karamdaman ng katawan ayon sa karapatdapat na gamutan.